نشاط تفاعلي لزياده قوه التركيز والانتباه للأطفال

نشاط تفاعلي هاتحبه البنات أكتر وعادي جدا جداا لما نعمله للولاد كمان
انا شخصيا هاعمله لأولادي وهاصورلكم وانزل الصور وفيديو كمان

الخامات :
(قطعه كرتون او ورق أبيض، مانكير، قلم ماركر، أيد ابنك او بنتك )

الخطوات :
هانرسم الأيد ازااااي
هاتجيبي أيد ابنك او بنتك وتحددي بالقلم علي الكرتون او الورق الأبيض عادي

ومش شرط تفرغي رسمه الايد من الكرتون المهم تحددي شكل الأظافر بقلم ماركر..

هانطلب من الطفل يحط مانكير للأيد

حد  هايقولي ايه المفيد في نشاط زي ده

انا اقولك  :
علشان الطفل يتقن النشاط ويحط المانكير صح هايركز اوي ويظبط حركه ايده وبراااحه هايحاول ما يخرجش المانكير بره حدود الأظافر..

كل ده بيندرج تحت أنشطه المهارات الحركيه الدقيقة لعضلات اليدين اللي بتساعد على الكتابة بشكل أفضل..
كمااان هايزود قوه التركيز والأنتباه عنده..
وهايعلمه الصبر والأتقان في أنجاز المهام..
وهايزود ثقته بنفسه لما يخلص النشاط ويحس بالإنجاز
وأخيراا هايستمتع بوقته لأنه بيعمل تجربه جديده ومختلفه..