نشاط تفاعلي لتعليم الأطفال الحروف الانجليزيه كابيتال وسمول

النشاط ليه اكتر من فايده

الخامات:

* شويه مشابك ونكتب عليها الحروف

* قطعه من الكرتون مستطيله مثلا زي ما هي واضحه في الصوره..
وبسسس كده

الخطوات:

هانكتب الحروف الانجليزيه السمول علي المشابك والكابيتال علي الكرتونه او ممكن نكتب الحروف العربيه بالترتيب ويبقي مجرد تطابق..

مش شرط نكتب كل الحروف ممكن لحد ما ابنك او بنتك خدوا الحروف او لحد ما انتي علمتيهم

الهدف:

قولنا كتير عن أهميه استخدام المشابك في الأنشطه التفاعليه..

بس نقول تاني..

المشابك بتندرج تحت أنشطه المهارات الحركيه الدقيقة لعضلات اليدين اللي بتساعد على الكتابة بشكل أفضل..
كمااان بتزود قوه التركيز والأنتباه عنده..
وهايتعلم الصبر والأتقان في أنجاز المهام..
وهايزود ثقته بنفسه لما يخلص النشاط ويحس بالإنجاز
وأخيراا هايستمتع بوقته لأنه بيعمل تجربه جديده ومختلفه

كمان لما تعودوا اولادكم علي الانشطه البسيطه من البيت هانخلق شخصيه للطفل كلها ابداع وبساطه بعيده كل البعد عن التكلف وهايتعلم اعاده التدوير ويدرك انه ممكن يعمل لعبه ممتعه من خامات بسيطه ..